Teutën nuk e favorizon kalendari. Veç Tiranës, me të cilën luajnë në Durrës, blutë do të luajnë më pas në transfertë me Kukësin dhe Vllazninë.
Sa u përket ndeshjeve të mbetura, në shtëpi Teuta pret Partizanin dhe Bylisin, si dhe kampionatin e mbaron me Apoloninë. Ndërsa, ndeshjet e tjera i ka jashtë. Gjithsesi, ky nuk është ndonjë problem i madh, sepse vetëm në këto javë blutë, brenda apo jashtë kanë rikuperuar shumë pikë për të marrë vendin e parë, duke mos pësuar asnjë humbje.
Gjatë fazës së tretë skuadra ka treguar stabilitet. Nëse Teuta ia del në tri sfidat e radhës të marrë pikë të plota, të besuarit e trajnerit Martini shikohen në rrugën e drejtë për të sjellë titullin pas 27 vitesh në Durrës.