Hansi Flik zyrtarizoi largimin e tij nga skuadra e Bajern Mynih, teksa bavarezët janë vënë në kërkim të teknikut të ri që pritet t’i besohet stoli i ekipit.
Sipas mediave gjermane trajneri i Lajpcigut, Julian Nagelsman ka kërkuar të ndërpresë kontratën e tij dhe të bashkohet me Bajern Mynih.
Ky transferim mund t’i kushtojë shumë Bajernit pasi Lajpcig ka kërkuar 25 milion euro për ndërprerjen e kontratës me Nagelsman.
Një shumë e lartë kjo për një trajner, që do ta bënte teknikun 33 vjeçar trajnerin më të shtrenjtë të të gjitha kohërave, pasi rekordi mbahej nga Vilas Boas i cili u transferua nga Porto tek Çelsi për shumën e 15 milion eurove në vitin 2011.
Priten të reja në vazhdim për sa i përket kësaj çështje pasi në Gjermani është bërë temë e gjitha mediave të mëdha.
