Goditje për Realin e Madridit përpara sfidës ndaj Çelsit të mërkurën në mbrëmje e vlefshme për gjysmëfinalen e kthimit të Champions-it. Mbrojtësi Rafael Varan është dëmtuar në ndeshjen e djeshme ku madrilenët fituan me shifrat 2-0 ndaj Osasunës në stadiumin “Alfredo Di Stefano”.
Në pushimin midis pjesëve trajneri Zidan e zëvendësoi me Naçon pasi mbrojtësi francez kishte probleme fizike.
Gjatë ditës së sotme mbrojtësi madrilen do të ketë ekzaminimet e para mjekësore për të parë shkallën e këtij dëmtimi dhe për të kuptuar nëse do të jetë në Londër për sfidën deçizive të Champions-it ndaj Çelsit.
