Myrto Uzuni është padyshim një ndër futbollistët shqiptarë më të mirë të momentit, jo më kot 25-vjeçari është nominuar për çmimin “Lojtari më i mirë i kampionatit”, në Hungari, së bashku me Riç Daniel dhe Janos Hahnn.
Talenti beratas, zhvilloi një sezon fantastik me skuadrën e Ferencvaroshit në Hungari, duke u shndërruar në një lider te ekipi i tij. Falë edhe kontributit të Uzunit, Ferencvaroshi arriti të fitonte me një diferencë të konsiderushme pikësh kampionatin, si dhe bëri një paraqitje mjaft të mirë në Ligën e Kampionëve.
Gjasat janë të shumta që Uzuni të fitojë çmimin “Lojtari më i mirë i kampionatit”. Në 33 ndeshjet e zhvilluara në kampionat, talenti shqiptar arriti të realizonte 12 gola.
