Napoli ka marrë një fitore në fushën e Fiorentina-s.
“Axurrët” kanë fituar 2-0 në Franchi dhe janë ngjitur në vendin e tretë të renditjes përkohësisht duke zbritur në vendin e pestë Juventus-in.
Ndeshja është zhbllokuar në minutën e 56-të pas një penalltie të fituar nga kosovari Rrahmani. Një penallti që është dhënë pas ndërhyrjes së VAR dhe që ka shkaktuar tension mes dy skuadrave.
Te pika e bardhë është paraqitur Insigne, goditja e të cilit është pritur fillimisht nga Terraçiano, por topi ka shkuar përsëri në këmbët e sulmuesit të Napoli-t, i cili nuk ka gabuar herën e dytë.
Nëntë minuta më vonë ka ardhur edhe goli që ka mbyllur ndeshjen dhe që është realizuar nga Zielinski falë një devijimi me fat.