Zëvendës sekretari i Ministrisë së Shëndetësisë të Italisë, Andrea Kosta me anë të një interviste të dhënë për mikrofonat e radios “Radio Punto Nuovo”, deklaron se Seria A duke filluar nga muaji gusht, muaj që përkon me fillimin e sezonit të ri, stadiumet për tifozët do të hapen me 25% të kapacitetit të tyre:
“Kemi folur sot në mëngjes me ministrin e Shëndetësisë, Speranca dhe për sezonin e ri do t’iu jap lajmin se duke filluar nga 22 gushti, stadiumet do të hapen për tifozët në 25% të kapacitetit.
Do të ketë një përparim gradual në javët në vijim me një përqindje rritje. Duhet maturi, një ndjenjë përgjegjësie, por kjo gjë kurrë nuk ka munguar tek qytetarët italianë.”, përfundoi fjalën e tij, zëvendës sekretar i Ministrisë së Shëndetësisë të Italisë, Andrea Kosta.
