Karriera e tij e gjatë si futbollit e më pas si trajner i ka mundësuar të vizitojë shumë shtete dhe të shohë në veprim shumë futbollistë. Në fillim të këtij mijëvjeçari Lazlo Boloni punonte si trajner i Sportingut të Lisbonës, teksa në atë skuadër hidhte hapat e parë njëfarë Kristiano Ronaldo.
Një dekadë më pas Boloni e gjen veten në stolin e Lensit ku mes më të talentuarve ishte, në ato kohë ende i panjohur, Rafael Varan. Dy lojtarë që sot do të jenë në fushë e njërit i duhet të markojë tjetrin. Lidhur me këto njohje, rumuni 68-vjeçar ka treguar: “Rafael dhe Kristiano binin menjëherë në sy. Kishin diçka që mund ta përkufizojmë si talent nëse dëshironi.
Unë e shoh si cilësi që i bën të spikasin mes shokës, qoftë për mënyrën se si e lexonin lojën, qoftë për interpretimin e saj ne faza të ndryshme. Pa dyshim që kanë qenë fenomenë që në moshë të hershme e ndiehem krenar që kam qenë edhe unë një pjesë e fillimit të karrierave të tyre të jashtëzakonshme”.
