Arbitri rus Sergei Karashev do të gjykojë sot ndeshjen mes Holandës dhe Republikës Çeke në 1/8-at e Europianit, që do të luhet në orën 18:00 në Budapest.
42-vjeçari do të drejtojë ndeshjen e tij të tretë në këtë fazë finale të Europianit në kryeqytetin hungarez. Në fazën e grupeve, Karashev drejtoi Itali-Zvicër (3-0) dhe Gjermani-Hungari (2-2), duke akorduar një total prej shtatë kartonësh të verdhë.
Anglezi Stjuart Atuell do të jetë përgjegjësi i VAR-it, me ndihmën e dy bashkëkombësve dhe një polaku. Ndërsa Stefani Frapart, 37 vjeçe, do të jetë gjyqtarja e katërt e kësaj sfide. Është e para gjyqtare femër në një Europian.
