Memfis Depaj ka reaguar për herë të parë pas eliminimit nga “Euro 2020” prej Republikës Çeke me rezultatin 2-0:
“Dua të falënderoj të gjithë për mbështetjen në javët e fundit, – ka komentuar Depaj në “Instagram”-in e tij. – Është e vështirë të shprehësh me fjalë këtë dëshpërim dhe ta pranosh. Pasi nuk morëm pjesë në dy turne, më në fund na u lejua sërish të përfaqësojmë Holandën, por nuk arritëm objektivin tonë.
Më vjen keq për të gjithë tifozët që janë larguar nga turneu në këtë mënyrë. Nuk është asnjëherë momenti për t’u dorëzuar, edhe pse tani kemi dështuar. Duhet të mësojmë nga kjo dhe të rikthehemi më të fortë”
