Një lajm i bujshëm është duke qarkulluar së fundmi në mediat spanjolle! Mançester Junajtid është vetëm një hap larg mbrojtësit të Realit, Rafael Varan. Mbrojtësi 28-vjeçar, i skadon kontrata me madrilenët në vitin 2020, teksa i ka dhënë “ok”-in “Djajve të Kuq”.
Mësohet se palët kanë arritur një marrëveshje për një kontratë 5-vjeçare. Pengesa kryesore për momentin, është gjetja e akordit mes klubeve për anën financiare. Reali kërkon 60 milionë euro, ndërkohë që Junajtid ofron 45 milionë euro.
Vlen të theksohet se disa ditë më parë skuadra e drejtuar nga Solskjaer, arriti marrëveshjen me yllin e Dortmundit, Sanço, i cili në këtë sezon të ri do të veshë fanellën e “Djajve të Kuq”.
Ndërkohë për sa i përket Realit, pas Serxhio Ramosit, klubi prestigjioz spanjoll, rrezikon të humbasë një tjetër titullar në mbrojtje, duke krijuar kështu boshllëqe të mëdha në repartin difensiv.
