Aventura e Belgjikës në Europian është mbyllur në çerekfinale kundër Italisë.
Dhe nëse trajneri Roberto Martinez duket se është konfirmuar nga federata belge, e njëjta gjë nuk mund të thuhet për Thierry Henry, i cili i ishte bashkuar kombëtares si në Botërorin e 2018-ës.
Sipas RMC Sport, kampioni francez i botës është gati të largohet përsëri nga Belgjika, por do ta bëjë me një gjest klasi.
Siç kanë bërë të ditur mediat franceze, Henry do t’i thotë lamtumirë kombëtares belge dhe do ta japë për bamirësi rrogën e marrë gjatë kësaj periudhe, nga maji në korrik.
Një gjest me të vërtetë i rrallë në botën që jetojmë sot.
