Në një intervistë të dhënë për kanalin katalanas TV3, Pep Guardiola ka analizuar situatën e merkatos.
Gjatë këtyre ditëve, në fakt, është folur për një transferim të mundshëm të Harry kane te kampionët e Anglisë:
“Të gjithë klubet janë në vështirësi financiare, ne nuk bëjmë përjashtim”, ka thënë trajneri i Citizens.
“Tani kemi Gabriel Jesus dhe Ferran Torres, i cili ka qenë i jashtëzakonshëm në këtë pozicion (9 false), kemi lojtarë të rinj në Akademi, luajm shumë herë pa një sulmues të vërtetë përpara. Nuk e di se çfarë do të ndodhë”, ka shtuar spanjolli.
“Ndoshta do të blejmë, por ndoshta nuk do ta bëjmë. Ndoshta nuk do të blejmë asnjë sulmues për sezonin e ardhshëm. Aktualisht ka më shumë mundë si që të mos blejmë asnjë sulmues për sezonin e ardhshëm”.
Përveç Kane, City interesohet edhe për Erling Haaland dhe të riun Grealish të Aston Villa-s, por që nuk mund të konsiderohet një “numër 9”.
