Italia në finalen e Europianit! Të kaltërit e Roberto Mancinit, arritën të triumfonin me 11 metërsh ndaj Spanjës, duke siguruar një biletë për në finalen e madhe të 11 korrikut.
Koha e rregullt përfundoi në barazim 1-1 falë golave të Chiesa-s dhe Moratës, teksa në gjuajtjen e penalltive, italianët u treguan më të saktë, duke arritur një kualifikim.
Ndeshja u luajt në Wembley të Anglisë, ku ishin të pranishëm 60 mijë tifozë ose 75 për qind e kapacitetit. “SportMediaset” ka publikuar fotot më të bukura të tifozerisë, si të Italisë ashtu edhe Spanjës.
