Sami Khedira është i bindur se Juventusi do ta eliminojë Tottenham Hotspurin falë përvojës që ka në këtë kompeticion.
“Ne kemi shumë përvojë dhe e dimë si t’i fitojmë ndeshjet e mëdha, ndërsa kemi shumë skuadra që janë para nesh, duke e përfshirë edhe Tottenhamin. Nuk jemi akoma të kënaqur përkundër sukseseve në vitet e fundit dhe kjo është ajo që na dallon”, është shprehur Khedira për gazetën “Stuttgarter Zeitung”.
Në ndeshjen e parë të dyja skuadrat barazuan me shifrat 2-2 në “Allianz Stadium”, ndërsa nesër do të përcaktohet skuadra që do të kualifikohet në çerekfinalet e Ligës së Kampioneve.
