Lajmet më të fundit nga kampi i Interit nuk janë të mira. Përveç tre të rinjve të ekipit Primavera, edhe Valentino Lazaro ka rezultuar pozitiv me COVID-19.
“Valentino Lazaro ka rezultuar pozitiv me COVID-19, gjatë testeve të organizuara nga klubi para grumbullimit. Sulmuesi zikaltër ka filluar izolimin dhe do të përsërisë testet në ditët e ardhshme”, ka komunikuar Interi nëpërmjet një deklarate zyrtare. Mesfushori austriak u rikthye tek Interi gjatë kësaj vere, pas përfundimit të periudhës së huazimit te ekipi gjerman i Borusia Mynshengladbahut, ku ishte një nga lojtarët më të mirë të Bundesligës.
Përpos kësaj, 25-vjeçari nuk bën pjesë në planet e teknikut Inzagi dhe për të kanë nisur interesimet e para që vijnë nga Portugalia. Benfika ka kërkuar të bëjë një tjetër blerje zikaltër pas asaj të Zhoao Marios, ndërsa duket se ky opsion nuk e bind vetë mesfushorin. Pa nisur ende tratativat, futbollisti ka refuzuar Benfikën, në pritje të mundësive të tjera.
