Nuk ka dyshime, Shqipërim Taipi është afrimi i radhës në merkato i Kukësit. “Panorama Sport” mëson se marrëveshja mes palëve është arritur, teksa ish-mesfushori i Skënderbeut, do të prezantohet në orët në vijim.
Shqipërimi bashkohet kështu me vëllain tjetër, Gjelbërim Taipi, që është aktualisht pjesë e verilindoreve. Prej kohësh Kukësi kërkonte shërbimet e 24-vjeçarit, teksa marrëveshja përfundimtare u arrit ditën e sotme.
Një ndikim të madh në këtë transferim ka padyshim edhe Gjelbërim Taipi, i cili bindi vëllain t’i bashkohej skuadrës kuksiane.
