Teuta do të luajë pasditen e sotme sfidën e kthimit kundër skuadrës nga Andorra, Inter D’Eskaldes.
Durrsakët pësuan një humbje shokuese 0-2 në sfidën e parë, duke e bërë dhe më të vështirë kualifikimin, por mbetet për tu parë paraqitja e sotme pasi ‘’djemtë e detit’’ nisen sërish si favoritë. Trajneri Edi Martini do të provojë gjithçka për kualifikimin teksa ka vendosur të hedhë në fushë një formacion sulmues duke rreshtuar Sebino Plakun, Taluant Seferin, Georgivin dhe Sherif Kallakun pas tyre.
Ndërkohë në qendër të mbrojtjes do të jetë kapiteni Arapi dhe Aleksi i cili do të zëvendësoje Rrustem Hoxhën e larguar. Nga krahu i majtë zgjedhje e parë e trajnerit Martini është Kotobelli, ndërsa në krah të djathtë Todorovski. Mesfusha i është besuar të përhershmëve Emiliano Vilës dhe Asion Dajës. Kujtojmë se Teuta do ta luajë ndeshjen e kthimit në Andorrë, teksa të gjithë tifozët shqiptar do ta kenë mundësi ta ndjekin ndeshjen nëpërmjet kanalit RTSH Sport.
FORMACIONET ZYRTARE
INTER D’ESKALDES: Gomez, Galego, Bosh, Besone, De Nova, Moreno, Garsia, Roka, Klemente, Artigas, Sol De Vila, Trajner: A.Garsia
TEUTA: Frashëri, Kotobelli, Arapi, Aleksi, Todorovski, E.Vila, Daja, Kallaku, Plaku, Seferi, Gerogiev, Trajner: E.Martini
