Ronald Kuman i beson përsëri Rei Manajt, duke përforcuar mendimin se trajneri holandez e sheh sulmuesin shqiptar aktualisht një alternativë për momentin kur titullarët të kenë nevojë për frymëmarrje. Sulmuesi i Kombëtares, u hodh në fushë në minutën e 78-të në miqësoren ndaj Juventusit, ku katalanasit triumfuan me rezultatin 3-0, duke zënë vendin e danezit Brethuejt.
Megjithëse nuk arriti të tundë rrjetën e bardhezinjve, Manaj shijoi në fund trofeun e parë me Barcelonën. Bëhet fjalë për trofeun “Joan Gamper” që katalanasit ngritën pas triumfit 3-0 ndaj Juventusit.
Për sa i përket të ardhmes së lushnjarit, në mediat spanjolle insistojnë se situata e Manajt do të jetë e paqartë deri në momentin kur të përfundojë faza përgatitore e skuadrës pasi me dëmtimin e Agueros, ka shanse më të mëdha për të mbetur pjesë e ekipit katalanas në këtë sezon.
👏🏆 Le Barça remporte le Trophée Gamper 2021 contre la Juventus (3-0) ! Bravo les gars ! #BarçaJuve #ForçaBarça 🔵🔴 pic.twitter.com/CZANEo7QJq
— FC Barcelona (@fcbarcelona_fra) August 8, 2021