Te Partizani nis një javë vendimtare. Nga dita e sotme, pritet të intensifikohen bisedimet me objektivat e merkatos, në mënyrë që lojtarët e rinj t’i bashkohen sa më shpejt grupit aktual.
Emrat e zbuluar deri më tani janë të mesfushorit të Kombëtares, Migjen Basha, dhe dy talentet e Apolonisë, Redon Mihana dhe Mario Gjata.
Gjithashtu, një tjetër emër i zbuluar është edhe ai i Edis Maliqit, i cili ka marrë OK nga Lokomotiva e Zagrebit për t’u larguar e për të gjetur një ekip të ri.
Partizani ka biseduar me të katër këta futbollistë dhe sapo të zgjidhen dhe detajet e fundit, priten edhe zyrtarizimet e tyre. Gazeta mëson se ai që është më afër “demave”, është sulmuesi i talentuar Mario Gjata, por edhe me objektivat e tjerë bisedimet kanë qenë pozitive.
Pakënaqësitë e tifozëve të kuq kanë qenë reale, pasi shumë lojtarë të rëndësishëm nga sezonet e shkuara janë larguar dhe zyrtarizimet e lojtarëve të rinj, po vonojnë. Megjithatë, këtë javë pritet që të fillojnë dhe zyrtarizimet e lojtarëve të rinj…
