Ante Rebiç nuk do të jetë pjesë e kombëtares së Kroacisë, të paktën për sa kohë në krye të saj do të jetë trajneri Zlatko Daliç. Sulmuesi kuqezi me siguri nuk do të përfshihet në kombëtaren kroate për kualifikueset për në Kupën e botës.
Shkak i këtij vendimi është kritika e hapur që Rebiçi bëri ndaj trajnerit Daliç dhe analistëve të tjerë kroatë në profilin personal në “Instagram”.
Ndëshkimi për sulmuesin do të prekë ndeshjet e shtatorit kur Kroacia të përballet Sllovakinë në dy sfida radhazi, por nuk përjashtohet mundësia që qëndrimi larg kombëtares të shtrihet edhe për më gjatë.
Vendimi përfundimtar do t’i takojë trajnerit Daliç dhe Federatës Kroate.
