Liga e Kampionëve këtë sezon pritet të jetë mjaft e luftuar pasi shorti ka rezervuar disa përballje prej gjigantësh në grupe.
Por megjithëse kompeticoni nuk ka startuar ende, të gjithë e kanë mendjen tek skuadra që do të arrijë të triumfojë këtë sezon të Champions-it. Aludimet janë të shumta, një ndër to dhe nga superkompjuteri ‘’FiveThirtyEight’’ i cili jo pak herë është bërë protagonist.
Sipas superkompjuterit, Mançester Siti do të arrijë të triumfojë këtë sezon me 16% të shanseve, ndërsa në vend të dytë ndodhet Bajern me 11% të shanseve. Kampionët në fuqi të Çelsit kanë 10% shanse për të triumfuar këtë sezon sipas superkompjuterit ndërsa ndjek Liverpuli me 9% dhe Barcelona me 8%.
Në listë ka vend dhe për Real Madridin që ka 6% të shanseve për të fituar Champions-in, ndërsa në listë është dhe Mançester Junajtid e cila së bashku me Ajaksin ka 5% shanse.
Vetëm vendi i 10-të për PSG-në e Mesit që ndan shanset me skuadrën gjermane të Lajpcigut me vetëm 4%. Fundja këto janë vetëm parashikime, pasi e vërteta do të zbulohet në fund të kompeticonit ku priten jo pak surpriza. Asgjë për Juven, Interin e Milanin të cilat sipas superkompjuterit nuk kanë asnjë shans për të fituar Champions-in.