Granit Xhaka deshi të largohej nga Arsenali dhe t’i bashkohej Romës, por u ndalua dhe iu ofrua një marrëveshje e re nga klubi, sipas drejtorit sportiv të gjigantit italian. Tiago Pinto.
Përfaqësuesi i Zvicrës Xhaka pritej të largohej nga Londra veriore këtë verë, pasi edhe vetë kishte shprehur dëshirë për ta provuar një sfidë të re në karrierë, raporton Gazeta Express.
U duk sikur ai do të bashkohej me Jose Mourinho në Stadiumin Olimpik, por nuk pati marrëveshje mes palëve dhe Arsenali i ofroi marrëveshje me kushte të reja mesfushorit me prejardhje nga Podujeva.
Pinto ende ndihet i zhgënjyer që dështoi ta blinte Xhakën këtë verë.
“Tregu është mbyllur dhe sot po argëtohem, sepse sollëm shumë lojtar por të gjithë më pyesin për mesfushorin”, tha Pinto.
“Të gjithë e dinë se ne e deshëm Xhakën, edhe ai donte të vinte në Romë, por Arsenali nuk e lëshoi. Kjo është pendesa e vetme e imja këtë afat kalimtar”, shtoi ai. /Gazeta Express/
