Ndërprerja e ndeshjes Brazil-Argjentinë ishte një turp i vërtetë dhe ky fakt ka acaruar edhe kapitenin e La Selecion. Lionel Messi ndihet i zhgënjyer kundrejt autoriteve braziliane që anulluan ndeshjen Brazil-Argjentinë, pasi 4 lojtarë të Argjentinës që luajnë në Premier League, dy nga Aston Villa dhe dy nga Tottenhami, nuk kanë respektuar protokollin e masave anti-COVID.
Messi deklaroi se ata do duhej të reagonin më herët, pasi kishin tre ditë që kishin mbërritur në Brazil:
“Ne kemi qenë në Brazil që para tre ditësh. Pse duhet të prisnin fillimin e ndeshjes që të vijnë të na gjejnë”, ka thënë ylli i Argjentinës.
Tashmë topi i kalon FIFA-s që duhet të vendosë se çfarë do të ndodhë me këtë sfidë, edhe pse gjasat më të mëdha janë që ta fitojë Argjentina 3-0 në tavolinë.
