Ish-mbrojtësi i Atletico Madrid Alvaro Dominguez ka sulmuar Cristiano Ronaldo-n pas festimit kontrovers në fund të sfidës ndaj Atletico Madridit.
Pasi shënoi një tripletë duke mposhtur Rojiblanco-t 3-0 në ndeshjen e kthimit, Ronaldo kopjoi festimin e “këllqeve” të Diego Simeone-s.
“Është pikërisht kjo sjellje e pahijshme arsyeja pse ai nuk do të mbahet mend në histori si një legjendë e futbollit,” shprehet Dominguez për TMW.
“Xavi, Iniesta dhe Zidane, për shembull, nuk kanë harxhuar kohën me provokime të kota dhe kanë dëgjuar duartrokitje kudo që kanë shkuar për të luajtur futboll.”