Mesfushori i Kombëtares, Nedim Bajrami po kalon një formë të shkëlqyer në karrierë duke dhënë paraqitje mjaft të mira si me Shqipërinë ashtu dhe me skuadrën e tij Empolin.
Mesfushori 22-vjeçar është bërë protagonist absolut ditën e sotme me Empolin, duke gjetur dhe rrugën e golit. Edhe pse skuadra e tij humbi 1-2, Bajrami ishte më i miri në fushë.
Mesfushori shqiptar u tregua i saktë nga pika e 11-metërshit në minutën e 89-të të takimit duke ngushtuar rezultatin në 1-2.
Bajrami tentoi 4 herë portën në sfidën ndaj Venecias, ndaj të cilave 2 drejt kuadratit, ndërsa nga 8 driblime, 6 ishin të suksesshme për mesfushorin kuqezi. Portali i specializuar i statistikave “SOFA SCORE“, e vlerësoi paraqitjen e mesfushorit me notën 7.4.
Në minutat e mbetura Empoli nuk mundi të bënte dot asgjë duke pësuar një disfatë në shtëpi me Venecian.
