Në ndeshjen e luajtur të martën në mbrëmje mes Barcelona-s dhe Bayern Munich ka patur një mister të vogël në lidhje me futjen në fushë t ë Kingsley Coman.
Francezi duhej të futej në fushë në vend të Musiala-s, por në momentin e zëvendësimit është ulur në stol dhe ka folur me zëvendësin e Nagelsmann dhe pak më mbrapa ka shkuar në dhomat e zhveshjes, me Gnabry që është futur në vendin e tij.
Një situatë e çuditshme që ka krijuar shqetësim për lojtarin, por që është kthyer në stol për t’u futur në fushë në minutën e 82-të.
Ka qenë trajneri Nagelsmann që ka shpjeguar gjithçka:
“King ka patur pak probleme në stomak para se të futej. Ja pse na është dashur të presim që të shkonte në banjë para se të futej në fushë”.
