Me ardhjen e Karlo Ançelotit në krye të Real Madrid jo të gjithë kanë ngelur të kënaqur. Një ndër ta dhe sulmuesi Marko Asensio i cili nuk po aktivizohet thuajse fare nga tekniku italian.
Sezonin e kaluar, me Zidanin trajner, Asension startoi titullar në plot 35 ndeshjes, ndërsa këtë sezon është aktivizuar gjithsej vetëm 70 minuta. Kjo gjë e ka nervozuar së tepërmi lojtarin i cili e ka marrë si provokim nga ana e Ançelotit.
Sipas “Daily Mail”, Asensio po shikon mundësinë për tu larguar që në janar nga madrilenët, me destinacion të mundshëm Liverpulin apo Totenhemin.
25-vjeçari është një ndër lojtarët më të mirë të Realit, por zgjedhjet e trajnerit e kanë kushtëzuar që të shprehë potencialin e tij këtë sezon.
