Një gol i Gueye dhe një i Draxler i ka dhuruar Paris Saint-Germain fitoren 2-0 kundër Montpellier në javën e tetë të Ligue 1.
Mesfushori senegalez ka zhbllokuar takimin e luajtur në Parkun e Princave me një predhë në minutën e 14-të.
Një minutë para fundit të kohës së rregullt ka ardhur edhe goli i sigurisë për parisienët, i realizuar nga Draxler.
Një tjetër fitore me peshë për ekipin e Pochettino-s, i cili vazhdon të mos ketë në dispozicion yje si Leo Messi, Sergio Ramos dhe Marco Verratti.
E vetmja njollë për PSG është situata e portierëve, me Donnarumma-n që ka përfunduar përsëri në stol mbrëmjen e sotme.
