Te Partizani ka lajme pozitive, por edhe shqetësuese. Dy të rinjtë e ekipit, Dionis Çikani dhe Klevis Dragaj, kanë shqetësime fizike.
Sulmuesi shkodran ka probleme në kofshë, ndërsa Çikani është operuar në shpatull. Ndërsa lajmet e mira janë se dy mesfushorët, Kristi Kote dhe Arinaldo Rrapaj, kanë lënë pas dëmtimet e tyre dhe janë në formë optimale dhe të gatshëm për trajnerin Daja.
Si Kote ashtu dhe Rrapaj luajtën disa minuta edhe në Kupën e Shqipërisë përballë Tërbunit, duke fituar gradualisht formën dhe duke marrë ngarkesë. Të dy lojtarët janë pjesë e projektit afatgjatë të Partizanit dhe që tani konsiderohen si pjesë e rëndësishme e skuadrës nga stafi teknik.
