Sulmuesi 20-vjeçar i Kombëtares Shpresa, Armando Dobra ka kryer një paraqitje fantastike mbrëmjen e djeshme me skuadrën e tij Kolçester teksa realizoi golin e parë dhe të fitores në Kupën e Anglisë ndaj skuadrës së 21-vjeçarëve të Uest Hemit.
Dobra realizoi një gol fantastik teksa i gjendur i vetëm përballë portierit shënoi me një parabol të vogël dhe duke i dhënë fitoren skuadrës së tij, Kolçesterit e cila militon në kategorinë e katërt angleze.
Ky është goli i tij i parë sezonal për sulmuesin e Kombëtares Shpresa teksa synon që të vazhdojë me këtë rendiment dhe të jetë deçiziv me gola dhe paraqitje për skuadrën e tij.
