Dusan Vlahovic, pavarësisht zërave të merkatos, në fund ka vendosur të qëndrojë te Fiorentina.
Me golat e tij po ndihmon skuadrën e Vincenzo Italiano-s të kërcënojë vendet e para: me 12 pikë, skuadra vjollcë mban vendin e katërt në renditjen e Serisë A me katër fitore në pesë ndeshjet e fundit.
Sipas La Nazione, presidenti vjollcë Rocco Commisso, duket se ka informuar sulmuesin serb se koha për të marrë një vendim për të ardhmen e tij po skadon: oferta prej 4.5 milionë eurosh në sezon që i është bërë nga klubi nuk ka marrë akoma një përgjigje nga lojtari dhe përfaqësuesit e tij.
Në rast se marrëveshja nuk arrihet, Juventus, Inter dhe Milan janë gati të ndërhyjnë dhe të shpenzojnë 70 milionë euro për të siguruar sulmuesin.
