Roma ka marrë një fitore bindëse në javën e dytë të Conference League kundër Zorya-s.
Sfida e luajtur në Ukrainë është zhbllokuar pas vetëm 7 minutash nga El Shaarawy.
Në pjesën e dytë, në harkun e dy minutave, kanë ardhur dy golat e tjerë për skuadrën e Mourinho-s. Dy gola që janë shënuar nga Smalling (66′) dhe Abraham (68′).
Mbrojtësi dhe sulmuesi janë bërë dy anglezët e parë që shënojnë gol në një ndeshje të Roma-s.
Buzëqesh edhe ylli i Shqipërisë, Marash Kumbulla, i cili është kthyer titullar pas një qëndrimi të gjatë në stol.
