Janë mbyllur ndeshjet e orës 18:45 të javës së dytë të Europa League.
Napoli ka pësuar një humbje befasuese në shtëpi kundër Spartakut të Moskës. Skuadra e Spalletti-t është mundur 3-2 me përmbysje dhe ka zbritur në vendin e tretë të Grupit C me 1 pikë në dy ndeshje.
Gjithçka ka nisur mirë për vendasit, me Elmas që ka gjetur golin e vantazhit pas vetëm 11 sekondash lojës. Ndeshja ka ndryshuar në minutën e 30-të, pas kartonit të kuq të marrë nga Rui për ndërhyrje të rrezikshme.
Rusët kanë përmbysur gjithçka në pjesën e dytë me golat e Promes (55′, 90′) dhe Ignatov (81′). Barazia numerike në fushë është vënë tetë minuta para fundit të kohës së rregullt, me Caufriez që ka marrë kartonin e dytë të verdhë. Osimhen ka fiksuar shifrat në 3-2 në minutën e 94-t.
Grupi i Napoli-t kryesohet nga Legia e Celhakës, Kastratit dhe Muçit. Ekipi polak ka marrë një fitore të rëndësishme 1-0 kundër Leicester falë një goli të Emreli në minutën e 31-të.
Celhaka dhe Muçi e kanë ndjekur nga stoli suksesin e Legia-s, ndërsa Kastrari është aktivizuar në minutën e 70-të.
