Java e pestë e Superiores do të jetë një luftë e vërtetë ku 6 skuadrat pretendente për titullin do të ndeshen me njëra tjetrën.
Teuta dhe Tirana kryesuese do të testojnë forcat e njëra-tjetrës për të dhënë një ide cila do të jetë udhëheqësja e re e kampionatit. Partizani do të përplasë brirët me Kukësin që pësoi humbjen e parë nga Teuta në javën e katërt. Ndërsa Vllaznia do të rikthehet të luajë në shtëpi aty ku do të presë Dinamon.
Sa i përket dy përballjeve të tjera, Egnatia do të luajë në transfertën e vështirë kundër Laçit, ndërsa Kastrioti do të presë Skëndërbeun. Ndeshjet do të jenë të ndara në dy ose tre ditë duke filluar nga data 17 tetor pas kthimit nga pushimet e kombëtareve.
Java e 5-të e Superligës
Teuta-Tirana
Partizani-Kukësi
Vllaznia-Dinamo
Kastrioti-Skënderbeu
Laçi-Egnatia
