Ecuri fantastike, 8 ndeshje, 8 fitore në Grupin F! Danimarka është skuadra e dytë europiane pas Gjermanisë që siguroi zyrtarisht biletën për në Kupën e Botës Katar 2022.
Gjysmëfinalistët e Euro 2020, konfirmuan momentin e shkëlqyer që po kalojnë duke trimfuar minimalisht 1-0 edhe ndaj Austrisë dhe dy ndeshje para fundit të eliminatoreve kanë 7 pikë avantazh nga Skocia e vendit të dytë.
Goli i futbollistit të Atalantës Maehle në minutën e 53-të vendosi fatet e këtij takimi me danezët që tashmë mund të festojnë një kualifikim të merituar. Danimarka ka bërë krenarë tifozët e vetë, teksa pas shkëlqimit në Europian, tashmë ka ardhur një kualifikim spektakolar për në Botëror.
