Futbolli modern ka transformuar rolin e kapitenit në skuadra të ndryshme.
Shiriti duket se ka humbur atë që ishte vlera e tij e vërtetë dhe në lidhje me këtë ka folur legjenda Dino Zoff, ish-kapiteni i Juventus dhe i Italisë në një intervistë të dhënë për Corriere della Sera.
“Për mua, shiriti i kapitenit ishte një vlerë për mua, tani nuk është më: të gjithë luftojnë për të marrë kontrata më të mira. Ai rol është i rëndësishëm dhe duhet të jepet jo në bazë të numrit të ndeshjeve të luajtura, por në bazë të personalitetit dhe aftësisë për t’i përcjellë parimet skuadrës”, ka thënë Zoff.
Ish-portieri ka bërë edhe një paralelizëm me një sport tjetër:
“Shikoj ragbi dhe më duket se gjithçka është ndryshe, aty janë shumë përpara për sa i takon sportivitetit dhe sjelljeve”.
