Vitet e fundit Arsenali ka kaluar një krizë rezultatesh duke e humbur identitetin si një prej skuadrave më të forta angleze.
Por kjo nuk i pengon “topçinjtë” që të mendojnë për të ardhmen dhe këtë e vërteton më së miri veprimi i fundit i klubit. Arsenali ka nënshkruar zyrtarisht me talentin 4-vjeçar Zain Ali Salman, i cili bëhet lojtari më i ri i klubit.
4-vjeçari shquhet si talent i madh ku shumë klube ishin vënë pas tij, por në fund garën e ka fituar Arsenali. Babai i talentit, në një intervistë për “BBC”, është shprehur se si djali i tij spikat nga moshatarët duke pasur një pjekuri në futbollin e luajtur.
“Mbaj mend ditën kur ai lindi. Infermierja e vendosi atë përpara dhe ai ngriti kokën për të parë përreth. Ajo ishte e befasuar. Zain ka qenë gjithmonë i fortë që në moshë të re. Ka pasur një ekulibër të jashtëzakonshëm që i vogël. Arsenali nuk shqetësohet për moshën e tij, ata thjesht mendojnë se ai ka shumë potencial”, ka thënë babai i talentit 4-vjeçar
