Napoli nuk ka rival në Serinë A. Skuadra e Spaletit ka marrë një fitore të vuajtur ndaj Salernitanës duke e mposhtur me rezultatin 0-1.
Ishte një ndeshje mjaft e luftuar nga të dyja ekipet ku gjyqtari nxori dhe dy kartonë të kuq. Pjesa e parë u mbyll në barazim 0-0, ndërsa në të dytën Zilinski dërgoi në avantazh Napolin.
Kastanjos la Salernitanën me 10 lojtarë në minutën e 70-të, por numri i lojtarëve në fushë u barazua pas vetëm 7 minutash, teks ishte Kulibali që u ndëshkua me karton të kuq. Fundi ishte mjaft dramatik, por rezultati nuk ndryshoi.
Napoli ruan kreun duke shkuar në kuotën e 31 pikëve pas 11 ndeshjesh, ndërsa e gjithë vëmendja do të jetë nga sfida Roma-Milan që luhet në mbrëmje.
