Milani nuk ka shkuar më shumë se një barazim 1-1 në transfertë ndaj Portos duke vështirësuar akoma më shumë ëndrrën për kualifikimin. Trajneri i kuqezinjve, Stefano Pioli doli në konferencë pas ndeshjes ku foli për nivelin e kompeticionit.
Barazimi me Porton
“Mund të bënim më mirë. Duhet të ishim më të saktë tek rastet e krijuara. Në pjesën e dytë ishim më intensiv. Për të kaluar në fazën tjetër duhet të fitosh ndeshjet. Porto është një ekip i fortë”.
Vështirësia në Champions
“Niveli në këtë kompeticion është shumë i lartë dhe nuk ishim në lartësinë e duhur”.
Leao dhe Hernandez
“Ata duhet të zgjedhin momentin e saktë në lojë. Leao është i ri, dhe ka nevojë për përmirësim. Ai po luan shumë sepse nuk kam alternativa. Të luash çdo tre ditë nuk është e lehtë”.
Derbi ndaj Interit
“Duhet të rikuperojmë energjitë. E dimë rëndësinë e kësaj sfide. Do të jetë një ndeshje e vështirë ndaj kampionëve në fuqi”.
Milani ndodhet aktualisht në vendin e fundit në Grupin B me vetëm 1 pikë të grumbulluar.
