Për ndeshjet e ardhshme të vlefshme për kualifikueset e Botërorit të Katarit, në listën e Rumanisë është edhe një futbollist i datëlindjes 2006. Quhet Enes Sali, mesfushori sulmues i talentuar që aktivizohet te Farul Costanza.
E tija është një histori shumë e veçantë: ai ka lindur në Kanada dhe është rritur me Woodbrigde Strikers, përpara se të kalonte Atlantikun në 2017 për t’u bashkuar me “La Masia” të Barcelonës.
Dy vite në Spanjë dhe më pas kalimi në Rumani, në akademinë e ‘Maradonës së Karpateve’ Georghe Hagi!
Prej aty kërcimi për te Farul Costanza, ku stërvitet nga legjenda e futbollit rumun. Shtatë paraqitje dhe një gol deri më tani, gjë që e lejoi atë të bëhet golashënuesi më i ri në historinë e ligës lokale (15 vjeç, 6 muaj dhe 21 ditë).
Së fundi ka mbërritur edhe telefonata e parë me kombëtaren e madhe…
Nëse ai do të bënte debutimin e tij në një nga dy ndeshjet e ardhshme, ai do të bëhej lojtari më i ri në historinë e Rumanisë: rekordi aktual është vendosur nga Cristian Manea (16 vjeç e 10 muaj, në 2014.
