Goditje për Napolin përpara sfidës ndaj Interit, Mateo Politano rezulton pozitiv me COVID-19. Gjatë kryerjes së tamponëve të djeshme, ish-sulmuesi zikaltër nuk do të jetë i gatshëm kundër ish-skuadrës së tij.
Politano, i cili është dhe vaksinuar totalisht me të dyja dozat e vaksinës anti-COVID, është asimptomatik dhe është vetë-izoluar në banesën e tij.
Një goditje e madhe kjo për Luçiano Spaletin, i cili përveç ndeshjes ndaj Interit, e cila është e programuar të zhvillohet nesër pasdite në orën 18:00 në stadiumin “Giuseppe Meazza”, pritet të humbasë 28-vjeçarin edhe për sfidën e së mërkurës në Europa Ligë në stadiumin “Diego Armando Maradona” ndaj Spartakut të Moskës, por edhe ndaj Lacios të dielën e ardhshme.
Lajmin e infektimit me Koronavirus të Mateo Politanos, e ka bërë me dije vetë klubi napoletan me anë të një komunikate në kanalet e saj zyrtare.
La SSCN comunica che il calciatore Matteo Politano è risultato positivo a un tampone molecolare effettuato nella giornata di ieri.
Il calciatore, regolarmente vaccinato con doppia dose, è asintomatico e in isolamento domiciliare. pic.twitter.com/93Yo5KIC6v— Official SSC Napoli (@sscnapoli) November 20, 2021
