Arbitrimi i Davide Masës gjatë ndeshjes Milan-Napoli i ka nxehur të gjithë tifozët kuqezi, sidomos te rasti i golit të anuluar të Fronk Kesisë. Në emisionin “Pressing” në Mediaset, i ftuar i përhershëm është ish-arbitri me stemën e FIFA-s, Graciano Çezari, i cili ka analizuar këtë rast për moviolë:
“Procedura e VAR-it ishte e saktë sepse arbitri është i ftuar të bëjë një zgjedhje për një gjë subjektive. Vendimi përfundimtar i Masës ishte i tillë, me të cilin jam dakord.
Në sekondat në të cilat Masa sheh monitorin, ai kërkon disa herë të ndryshojë imazhin për ta kuptuar më mirë derisa të marrë kuadrin e duhur që ai e konsideron më të mirë, duke treguar me gisht ndikimin e Zhirusë në tentativën e shtyrjes ndaj Zhuan Zhezusit.”, tha Çezari.
