“Forca djema, jini të qetë! Ne jemi të fortë”. Këto janë fjalët e Aurelio De Laurentiis në dhomat e zhveshjes së stadiumit “Maradona”, në fund të ndeshjes së humbur ndaj Spezia. Këto fjalë janë raportuar sot nga “Il Mattino”:
“Jini të qetë, mos u dekurajoni! Duhet të jeni të fortë, sepse jeni të tillë; keni një trajner të madh dhe një klub që ju mbron. Nga viti 2022 do të arrijmë rezultate të mëdha, harrojeni këtë humbje dhe shikoni përpara”. Duket qartë se presidenti synon t’ia ngrijë moralin një ekipi të testuar në javët e fundit dhe që gëzon vlerësimin dhe besimin e Spalletti.
