Mesut Ozili duket se ka ndërmend të qëndrojë tek Arsenali dhe për sezonin e ardhshëm. Gjermano-turku ishte në radarët e Fenerbahçes që i bënë një ofertë konkrete, por BILD bën me dije se ylli e ka refuzuar diçka të tillë.
“Kanarinat” duan të rikthejnë ekipin e madh të Fenerit, por Ozil nuk do t’i bashkangjitet projektit të tyre. Arsyeja është shumë e thjeshtë, pasi nuk do të humbasë rrogën e majme që ka te “Topçinjtë. Ozil paguhet 12 milionë euro në vit, një shifër që nuk e merr askund tjetër.
Trajneri Mikel Arteta u mendua se mund të ndihmonte në zgjidhjen e situatës së mesfushorit, por diçka e tillë nuk ka ndodhur. Ozil mbetet në stol, por duket se nuk e ka problem aspak një fakt të tillë për sa kohë merr 12 milionë euro.
