Karim Benzema është shpallur lojtari më i miri i vitit në Francë. Ka qenë revista franceze “France Football” që i ka dhënë këtë çmim sulmuesit të Realit të Madridit.
Në këtë mënyrë edhe veterani i Realit e ka fituar një çmim pas zhgënjimit me “Topin e Artë” apo “Lojtarin e Vitit” të FIFA-s. Karim Benzema ka bërë një sezon të shkëlqyer me Realin e Madridit, teksa dhe në sezonin aktual është pa diskutim figura kryesore e “Los Blancos” me 23 gola të shënuar në të gjithë kompeticionet.
Për të fituar çmimin si “Lojtari i Vitit” në Francë, Karim Benzema ka mundur konkurrencën e yllit të Paris SG-së, Kilië Mbape, dhe të mesfushorit të Çelsit, Ngolo Kante. Kjo është hera e pestë në karrierën e tij, që Benzema vlerësohet si lojtari më i mirë i vitit në Francë.
