Godberg Kuper është lojtari i ri i skuadrës së Makedonijas në Superligën e Maqedonisë së Veriut.
Ish-sulmuesi i Kukësit ka firmosur një kontratë të re nga ku do të vijojë karrierën e tij futbollistike në shtetin ballkanas.
Këtë lajm e ka bërë publike klubi i Makedonija në profilin e saj zyrtar në rrjetin social në “Instagram” duke i uruar mirëseardhjen sulmuesit.
24-vjeçari pasi e mbylli me skuadrën verilindore u transferua në Serinë D italiane nga ku u aktivizua vetëm një sfidë me Lavelon.
Më parë Kuper ka mbajtur veshur edhe fanellat e Shafhauzen, Arukës, Vianenses, Espinjos, Koindeksas, Aurora Seriates dhe Verdelos.
