Rikthimi i Hoakin Korreas, për të cilin shpresohej shumë të ishte në kohë për ndeshjen me Liverpulin, nuk do të jetë më i mundur.
Siç raporton “Corriere dello Sport” tërheqja në muskulin fleksor të kofshës së majtë që e detyroi të braktisë fushën pas vetëm dy minutash lojë në ndeshjen e Kupës së Italisë me Empolin, do të ketë nevojë për më shumë kohë rikuperimi.
Stafi mjekësor i zikaltërve nuk dëshiron ta rrezikojë dhe ekzaminimet e fundit përcaktuan si afatin e mundshëm të rikthimit të 27-vjeçarit fundin e shkurtit.
Në këtë mënyrë, emri i “Tukut” do të mungojë në listën e të grumbulluarve për ndeshjen e parë me Liverpulin në 16 shkurt dhe tashmë shpresa e Simone Inzagit është që të paktën ta ketë në dispozicion për atë të kthimit më 8 mars, aq më tepër kur në të dyja sfidat italianëve do t’u duhet të bëjnë pa Barelën e pezulluar.
