Java e 18-të e Kategorisë Superiore uli siparin teksa i lë vendin statistikave.
“Panorama Sport”ka skicuar formacionin më të mirë dhe të dobët të javës që sapo lamë pas.
Në formacionin më të mirë moduli është me 3-4-3 ku në portë është Bekaj. Në mbrojtjen me tre janë Velkovski, Hoxhallari dhe Hakaj. Në mesfushën e përbërë me 4 janë Ademi dhe Latifi nga krahët, ndërsa në mesin e fushës janë Lushkja dhe Ibraimi.
Në majën e sulmit janë treshja, Lorenco Vila, dhe Xhixha nga krahët në mbështetje të Seferit.
Tirana në këtë 11-she ka 4 lojtarë, më shumë se çdo skuadër tjetër.
Në formacionin më të dobët të javës, moduli është 4-3-3 me Xhikën në portë, në mbrojtjen me katër janë Lulaj, Krasniqi, Marku dhe Samake.
Në mesfushën e përbërë me tre janë Kodra, Gjelbrim Taipi dhe Fernandinjo. Treshja e sulmit është e përbërë nga Cara dhe Nikaj në mbështetje të Pusit.
Në këtë 11-she Kukësi ka 4 lojtarë, më shumë se çdo skuadër tjetër. Trajneri më i mirë është cilësuar Orges Shehi ndërsa si trajneri më i dobët është Diego Longo.