Sulmuesi i Manchester Unitedit, Cristiano Ronaldo ka bërë një gjest aspak të mirë pas ndeshjes ndaj Southamptonit, duke pështyu në shpinë bashkëlojtarin e tij, Anthony Elanga.
Djajtë e Kuq nuk arritën të marrin më shumë se një barazim 1-1 ndaj Saints në ndeshjen e zhvilluar në Old Trafford.
Golat në këtë përballje u shënuan nga Jadon Sancho (21’) për vendasit dhe Che Adams (48’) për mysafirët.
Pas këtij barazimi në shtëpi, lojtarët e Unitedit dukeshin të dëshpëruar, pasi patën edhe shumë raste gjatë ndeshjes.
Njëri nga më të dëshpëruarit padyshim se ishte ylli portugez, Ronaldo, i cili ka shkuar në gjashtë ndeshje pa gjetur gol.
Ky dëshpërim i tij duket se ka gjetur një ‘viktimë’ për t’u shfryrë. Bëhet fjalë për bashkëlojtarin e tij, Elanga, i cili u pështyu në fanellë nga Ronaldo, pas ndeshjes.
Gjesti i bërë nga portugezi po cilësohet nga disa tifozë si aksidental, por ka edhe nga ata që po e cilësojnë si të qëllimshëm dhe si racizëm ndaj Elangas.
Ronaldo showing his inner racism pic.twitter.com/rJYLsdPVP8
— 𝔻𝕠𝕟 (@Freknie) February 12, 2022
