Boksieri britanik Tyson Fury, ka thymbuar sërish dy rivalët e tij të këtij Divizioni, patriotin e tij Anthony Joshua e ukrainasin Oleksandr Usyk, se mund t’i mposhtë të dy brenda një nate. Fury pritet të duelojë në fund të prillit ndaj Dillian Whyte dhe ka nisur përgatitjen për këtë sfidë. Ndërkohë që Joshua e Usyk do të zhvillojnë në maj revanshin e tyre.
“Jam gati të përballem me Usyk 7 herë në javë dhe gjithnjë e mposht. E sfidoj të duelojmë edhe në kopshtin e shtëpisë së tij. Përballem me Joshua dhe Usyk brenda një nate dhe i mund që të dy. Ata nuk kanë asnjë peshë për mua, janë dështakë krahasuar me mua”, u shpreh për mediat britanike Tyson Fury, i pamposhtur në ring gjatë karrierës së tij.
